Skip to content

test

- Гадаадад зорчиход анхаарах зүйлс        - Монголын иргэд хилийн чанадад зорчих визийн нөхцөл        - Visa application form
Ялалтын 70 жилийн ой
“ЯЛАЛТ”-Д МОНГОЛЧУУД ЮУГААР ТУСЛАВ PDF Print E-mail
Written by irkutsk   
Tuesday, 09 June 2015 04:18
There are no translations available.

Аугаа эх орны дайны ялалтын 70 жилийн ойн баярыг тохиолдуулан Монгол Улсаас ОХУ-ын Эрхүү хотод суугаа Ерөнхий консулын газар, Улаанбаатар хотын музей болон “Гамма” гэрэл зургийн агентлагтай хамтран 2015 оны 5 дугаар сарын 5-ны өдөр Эрхүү хотын “Диас” арт галерейд “Ялалт-д Монголчууд юугаар туслав” сэдэвт үзэсгэлэнгийн нээлт хийв.

Тус үзэсгэлэнгээр 50 гаруй архивын баримтад гэрэл зураг, түүнчлэн Монгол Улсын Ерөнхийлөгчийн Тамгын газрын захиалгаар Эх орны их дайны ялалтын 70 жилийн ойд зориулсан “Монголия была первой”, мөн “Зовох цагт нөхрийн чанар танигдана”, баримтад түүхэн кинонуудыг оросын ард түмэнд танилцуулав.

Үзэсгэлэнгийн нээлтийн ажиллагаанд Эрхүү хотод суугаа Ерөнхий консул Б.Болдын урилгаар дайны үед буюу 1942 онд  Зөвлөлтийн улаан армид Монголын ард түмний сэтгэлийн бэлгийг хүргэлцэж явсан “фронт” С.Цэгмид гуай оролцож хүрэлцэн ирсэн олонтой дурсамжаасаа хуваалцав. Түүнчлэн нээлтэд ОХУ-аас Монгол Улсад суугаа Онц бөгөөд бүрэн эрхт Элчин сайд асан Б.А.Говорин, Эрхүү мужийн эх орны дайны ахмад дайчид, Эрхүү хотын 23 дугаар дунд сургуулийн сурагчид, Эрхүү хотын их, дээд сургуулиудын удирдлагууд, Эрхүү дэх БНХАУ, БНСУ, БНПольш Улсын Ерөнхий консул нар болон мужийн захиргааны төлөөлөл оролцож, сонирхов.

Үзэсгэлэнгийн нээлтийн ажиллагааг МҮОНРТ, NTV, АИСТ Монголия, Эрхүүгийн АИСТ телевизууд бүрэн сурвалжилав.

 

Үзэсгэлэн 5 дугаар сарын 10-ны өдрийг дуустал ажиллана.

 

2015 оны 5 дугаар сарын 5-ны өдөр

 
Москвад цэргийн жагсаал, Эрхүүд оюутны жагсаал... PDF Print E-mail
Written by irkutsk   
Tuesday, 09 June 2015 03:33
There are no translations available.

Монгол Улсын Ерөнхийлөгч Ц.Элбэгдорж ОХУ-ын Ерөнхийлөгч В.В.Путины урилгаар 2015 оны 5 дугаар сарын 9-ний өдөр Москва хотноо болох Аугаа эх орны дайн, Дэлхийн хоёрдугаар дайны ялалтын 70 жилийн ойн хүндэтгэлийн арга хэмжээнд оролцох төлөвлөгөөтэй байгаа. Тус баярын арга хэмжээнд Ерөнхийлөгч болон албаны хүмүүсээс гадна түүхэндээ анх удаа Москва хотын Улаан талбайд болох ойн парадад манай Монгол Улсын Зэвсэгт хүчний төлөөлөл оролцохоор бэлтгэлээ хангаж байна.

Ялалтын 70 жилийн ойн баярыг 2015 оны 5 дугаар сарын 9-ны өдөр ОХУ-ын субьектуудын нийслэл, томоохон хотуудад ёслол төгөлдөр тэмдэглэх гэж байна. Зүүн Сибирийн нийслэл болсон Эрхүү хотод ч баярын арга хэмжээнүүд явагдах ба Төв талбайд явагдах баярын парадад Эрхүү хотноо суралцдаг монгол оюутнууд жагсаж Дэлхийн хоёрдугаар дайны ахмад дайчид болон ард түмэнд баяр хүргэнэ.

Түүнчлэн Дайны үед фронтод монголын ард түмнээс бэлэг хүргэж өгөх төлөөлөгчдийн бүрэлдэхүүнд Дундговь аймгийг төлөөлж явсан С.Цэгмэд гуайг Эрхүү хотноо зохиогдох баярын хүндэтгэлийн арга хэмжээнүүдэд урилгаар оролцуулах гэж байна. Ялалтын баярын үеэр Эрхүү хотноо зохиогдох арга хэмжээнүүдэд Батлан хамгаалах яамны харъяа Цэргийн дуу бүжгийн эрдмийн чуулгын уран бүтээлчид оролцохоос гадна “Дэлхийн хоёрдугаар дайнд Монголчууд” сэдэвт гэрэл зургийн үзэсгэлэн, баярын нэрэмжит боксын тэмцээнд манайхаас 30 тамирчин оролцохоор мэдүүлгээ өгөөд байна..

 

Өнгөрсөн жилийн Эрхүү хотноо зохиогдсон Ялалтын баярт дэлхийн хоёрдугаар дайны ахмад дайчин Цэндийн Алтангэрэл гуай Ерөнхий консулын Б.Болдын урилгаар мөн оролцож байсан билээ.

2015 оны 4 дүгээр сарын 9-ний өдөр

Last Updated on Tuesday, 09 June 2015 03:50
 


Links